“Era capsa de galetes, era diuersitat”

admin31/10/25  

Era sedença deth Conselh Generau d’Aran (Sala d’actes) acuelhec eth dijaus 30 de noveme, entàs 18:00 ores, era presentacion deth conde “Era capsa de galetes”, de Jaume Espí damb eth supòrt lingüistic dera institucion aranesa.

“Era capsa de galetes” mos parle de tolerància, de respècte, e dera gran diversitat sociau, culturau e etnica, presenta enes centres escolars.

Cada aula des nòsti centres escolars ei com ua capsa de galetes, totes diferentes, variades, uniques e excepcionaus.

Aguesta diversitat mos hè a participar d’ua gran riquesa e tanbem hè necessària era inclusion des escolans damb un besonh mès especific de supòrt educatiu.

 

“Era Casa deth Haro”

admin31/10/25  

Eth dissabte 25 d’octobre se inaugurèc “Era Casa deth Haro” Musèu des Hèstes deth Huec en Les, un nau equipament deth hilat de Musèus dera Val d’Aran.

Aquest espai servirà entà explicar e sauvar aguesta expression de cultura, territòri e identitat ath torn des hèstes deth huec en Pirinèu. Les, pòble damb un fòrt esperit de comunautat, esdeven atau un des epicentres culturaus d’Aran e contribuís, amassa damb d’auti pòbles aranesi, a difóner ua part dera nòsta cultura qu’ath delà ei un recors toristic de prumèr nivèu. Un exemple clar de que, se i a volontat e compromís damb era ciudadania, era collaboracion entre administracion ei possible e permet melhorar es nòsti pòbles e era vida dera su gent.

Ac podetz visitar pendent eth mes de noveme de dimèrcles a dimenge d’11 a 14 ores e de 16 a 19 ores.

Nauetat ena bibliotèca deth CRP

admin29/10/25  

Eth dimars 21 d’octobre tàs 18:30h auèc lòc era presentacion dera naua òbra poetica de Xavi Gutiérrez Riu: “Sense cap ne pès”, ena Sala d’Actes deth Conselh Generau d’Aran.

Un poemari en aranés qu’arremasse quauques des darrères creacions der autor, e que tracte tot tipe de tèmes, quotidians e actuaus, damb era sua caracteristica guardada critica e un tòc d’umor que non vos deisharà indiferentes.

“Açò qu’auetz liejut, o liegeratz, ei ua obra poética (in)complèta, imperfecta e insufisenta, mès hèta damb tota era bona volontat der autor. Toti es poèmes son de cuelheta pròpia o, en tot cas, inspiradi per d’auti; per aquerò, tota similitud damb era realitat ei imperativaments (im)possibla. E com qu’en aguesta vida non i a arren de plus-que-perfècte, sonque eth temps verbau, aguest vèrsi an estat escriti en passat pausat, en present reinvindicatiu e en libertat incondicionat, semse cap de privación, ara demora de poder escríuer era obra definitiva en aqueth futur interior que non arribe jamès.”

 

Conferéncia inici deth cors escolar 25/26

admin02/10/25  

Eth passat dijaus 25 de seteme se cellebrèc era Conferéncia d’inici deth cors escolar 25/26  ena glèisa Santa Maria de Mijaran en Vielha;“Com combatre la desinformació a les aules” a cargue de Laura Pinyol, vicepresidenta deth CAC, Consell Audiovisual de Catalunya.

Laura Pinyol alertèc sus era creishent preséncia… Llegeix més»