En una situacion nauèra se plantegen es rèptes dera resolucion en tot observar era realitat. Eth procés poirie èster eth que seguís:
Er aprenedissatge basat en problèmes ei ua metodologia basada en aprenedissatge a compdar dera resolucion de situacions, damb er analisi dera situacion. Eth punt de partida iniciau deth procés d’aprenedissatge partís dera comprenença dera situacion, dera formulacion d’ipotèsis explicatiues, era identificacion des besonhs e era formulacion de possibles solucions. En un punt posterior sajaram d’extrèir principis restacadi damb es coneishements naui aquerits atau coma eth pensament critic que se desvolope en tot apréner a observar e analizar situacions.
En plantejar ua situacion problèma:
- Eth prumèr pas entara sua comprenença ei ua ploja d’idèes ena que cadua des persones ditz quina possibilitat i aurà entà resòler.
- En un dusau pas, calerà botjar toti aqueri recorsi des que dispausarà entà determinar era comprenença dera situacion: ara seguida calerà compréner ben sò que mos demanen, es estrategies de cercar de hònts d’informacion, consulta de manuaus, bases de donades, opinons d’expèrts, eca…Aguest aspècte pòt èster de resolucion individuau entà diversificar es hònts d’obtencion dera informacion.
- Un viatge realizat eth pas dera recerca dera informacion, eth pas que seguís ei era metuda en comun de totes es hònts obtengudes e deth cribatge dera informacion que mos anarà ben entà realizar era resolucion deth problèma. Aguest pas se realizarà en petit grop. Aguest procés a coma finalitat desvolopar competéncies d’apréner a apréner. En tot trebalhar en petit grop se cercaran es solucions entà resòler era situacion problèma e s’expausaran en gran grop es solucions.
- Fin finau se realizarà un procés d’avaloracion que comportarà era comprovacion dera situacion mès tanben era analisi deth procés seguit.
