Es Servicis Educatius deth Departament d’Ensenhament dan supòrt e assessorament as centres educatius publics e privats concertats de nivèus educatius non universitaris. Cada servici educatiu ei format per ua equipa multidisciplinara qu’aufrís es següents servicis:
- Supòrt e assessorament en estratégies organizatiues, didactiques e metodologiques entar assolidament des competéncies basiques.
- Supòrt ena tutoria e ena orientacion educatiua.
- Deteccion precòç des dificultats d’aprendissatge, sociaus, motrius e hèr avaloracions psicopedagogiques.
- Assessorament en procés d’escolarizacion en besonhs educatius especifics e especiaus (NEE).
- Assessorament en adaptacions curriculares individuaus (CI).
- Supòrt ena prevencion der abandonament escolar prematur.
- Supòrt en tractament integrat dera lengua e contenguts.
- Planificacion e gestion deth catalòg de formacion deth professorat dera zòna.
- Supòrt e assessorament en didactica, innovacion e/o planificacion: plans de milhora, TAC, supòrt ara lectura…
- Servici de préstec de maquinaria, vidèos e libres especializats en tèmes educatius.
- Supòrt a projèctes internacionaus tath desvolopament deth plurilingüisme e des competéncies comunicatiues des escolans.
Er encastre d’actuacion deth servici educatiu ei era comarca dera Val d’Aran, a mès de bères poblacions de comarques vesies qué, per motius diuèrsi s’intègren en parçan.
Qui pot hèr era demana des servicis?
- Es centres, a traues des sues equipes directiues.
- Collectius de docents, d’especialitat, de nivèu, d’interéssi, etc.
- Es docents directament.
- Autes entitats vinculades ara Educacion.
Com se hèr era demana?
Trucant ath telèfon 973.64 23 77 o enviant un corrèu electronic a c5900769@xtec.cat o c5990109@xtec.cat