Presentacion dera agenda escolara interparcs deth Pirinèu
Vídeo del certamen:
Eth deluns 12 de mai se presentèc era Agenda escolara interparcs deth Pirinèu dera Xarxa d’escoles dels parcs del Pirineu en Conselh Generau d’Aran. Eth Conselh aufrís era agenda a tota era mainadèra dera Val d’Aran e tanben a finançat era revirada ar aranés. En acte assistiren es representants des escòles dera Val d’Aran; eth sr. Lluís Florit, director deth Parc Nacional d’Aigüestortes i l’estany de Sant Maurici; eth sr. Manel Serrabona, inspector d’educacion; era sra. Angelina Cases, conselhera de Coneishement d’Aran; e Sandra Gonzalez, directora deth CRP.
Era agenda educativa ei pensada entà mainadèra e joeni de 3 a 16 ans. Nèxe d’union deth dia a dia dera escòla entre infants, familhes, docents e territòri. Aguest projècte neish dera collaboracion entre eth Departament d’Educació i Formació professional dels ST. de l’Alt Pirineu i Aran e es parcs deth territòri.
Er objectiu dera prepausa neish deth besonh estrategic des diferents administracions de generar vincle e sens d’apertenéncia damb eth territòri a compdar dera qualitat educativa. Metent de manifèst era fragilitat des ecosistèmes e eth sòn incalculable valor. Preservant es tradicions e sabença popular. Ath mateish temps qu’es pretén empoderar as docents en coneishement deth miei naturau e sociau deth territòri.
Aguesta iniciativa a estat molt ben acuelhuda pes centres educatius deth Pirinèu damb ua participacion deth 73% des escòles e instituts de tot eth territòri e eth 100% dera Val d’Aran. Aguest percentatge correspon a mès de 4.000 alumnes en edat escolar. Estant ua des prepauses mès compartides deth territòri.
Twiter Educació